Det vart stilt på bloggen vår dei siste vekene.. Vi hadde rett og slett så mykje anna å gjerepå at det vart ein nedprioritert sak å sitte framfor ein pc-skjerm..! No er vi komne tilbake til Norge…og kulda…. Men eg blir nesten varm innvendig når eg tenkjer tilbake på dei 2 månedane vi var vekke. Det er umogeleg å finne ord som kan beskrive reisa vår, men vi kjem langt med ”fantastisk”, ”opplevelsesrik”, ”lærerik”, ”ekstremt vellykka” og ”minner for livet”. Det høyrest nesten for godt ut til å vere sant, men alt gjekk så bra og var så bra at det er ikkje å overdrive!
Her kjem ei lita oppsummering frå dei siste vekene av turen vår som eg ikkje har skreve om her på bloggen:
Singapore: Singapore er både eit (lite) land og navnet på ein by i landet. På dei 2 dagane vi var her fekk vi både sett oss litt rundt i byen og besøkt nokre attraksjonar utanfor byen. Nokre høgdepunkt i byen var ”Singapore Flyer”, eit 165m høgt pariserhjul som ga oss utsikt over heile byen, ”River-side”, eit område rundt med barar og restaurantar, liv og røre. Vi reiste også ut på øya ”Sertosa”, som lignar på ein diger fornøyelsespark med masse aktivitetar.. M.a. kjaure vi ”ola-bil” her!! I høljande regn…ei oppleving det også.. Ein av dagane reiste vi utanfor byen til Singapore Science Center. Eit DIGERT naturvitenskapssenter. Der fekk ein sjå og teste ut alle mogelege slags naturvitenskaplege eksperiment som er blitt viser ulike slags fenomen. Alt frå Newtons lover og matematiske prinsipp til DNA si oppbyggning og masse masse anna. Mest for born kanskje, men vi er då ikkje vaksne, er vi??? Vi rakk ikkje sjå på halvparten av det som var der ein gong. Men det KULASTE av alt var at Gunther von Hagen si utstilling: Bodyworks – A circle of life var å sjå der! Det er ei utstilling av ALLE kroppens delar. Alt frå organ og skjellett til heile kroppar der alle musklar, sener og nervar syner. Og alle delane er frå ekte mennesker. Høyrest sjukt ut (og det er mange som synest det er det og. Utstillinga har vore rundt i heile verda og har blitt omdiskutert i media) men eit mekka for ein medisinstudent!! Ein av kveldane var vi på ”Night Safari” i ein dyrepark. Det var spennande! Vi fekk sjå leopardar, tiger, løve, flodhest, elefant+++ (sku tru vi var havna i Afrika….!)
Australia: Vi prøvde oss på ei umogeleg oppgåve: nemleg å sjå Australia på 2 veker! Australia er enormt. Men dette visste vi på førehand, så vi hadde plukka oss ut nokre stadar vi ville få med oss.
Cairns: Er ein by som ligg på nord-aust-kysten i Australia. Vi tok fly direkte opp her rett etter å han landa i Sydney med flyet frå Singapore (den 9.nov.). Mange reiser til Cairns for å dykke på ”The Great Barrier Reef”, som er verdas største korallrev. Dette var også vårt hovedmål med destinasjonen. Vi tilbrakte 3 dagar her. Dag1: planleggingsdag. Dag2: Togtur med Kuranda Railways, som er ei gammal jernbanestrekning bygd for å lettaregjere gulltransporten frå innlandet til kysten. Det høyrer historia til, så no er jernbana kun ein turistattraksjon som tek ein gjennom flott natur, og endar i den koselege, vesle landsbyen Kuranda. Her er det mange koselege, små butikkar og restaurantar. Her er også ein liten dyrepark der vi fekk klappe og HOLDE koalabjørnar og klappe og mate kenguruar! Arti! Ned igjen til lavlandet tok vi Skyrail, ei LÅNG og HØG gondolbane som gjekk over regnskog. Dag3: Dykking på ”The Great Barrier Reef”. Vi tok båt ca 2 timar ut til revet, der vi dykke 3 dykk. Dette var flott, men ikkje imponerande i forhold til dei andre dykka vi har hatt på turen. Dei har vore flottare! Men vi fekk sett mykje korallar og ein god del fisk.
Sydney:Frå Cairns tok vi fly tilbake til Sydney. Dette er verkeleg ein flott by!! Vi brukte ein heil dag berre på å vandre og sjå oss rundt på dei 2 havnene Darling Harbour og Circular Quay. Der var kjempefint. Masse båtar og liv. Vi tok ferje mellom havnene, og då såg vi både Sydney Harbour Bridge og The Opera House frå vatnet. Vi var i Operaen både på sightseeing og på konsert. Eit imponerande byggverk!! Konserten var med Sydney sitt symfoniorkester. Ei oppleving, sjølv om det ikkje er musikk som fengar oss….. Vi spaserte også over Harbour Bridge (i 12-tida..på natta…!!)
Melbourne:Det er ganske långt frå Sydney til Melbourne. Vi valde å prøve tog, som skulle ta 11,5 timar. Men pga forsinkingar enda turen på nesten 15 timar!! Då var vi leie av tog…så allereie då avgjorde vi å ta fly tilbake til Sydney – uansett pris!! Melbourne har i lita bykjerne som det er lett å forflytte seg i til fots eller med gratis trikk og gratis buss! Genialt.. Vi var med på 3 ulike organiserte turar her.
1:Kveldstur til Phillip Island, der vi såg på verdas minste pingvinar! Vi satt på stranda på kvelden og såg dei kome flokkvis inn til land etter å ha vore på ”fisketur” på dagen. Dette er eit naturleg fenomen som ”aussiane” har funne ut at turistane gjerne vil betale for å sjå på… Men det var litt av ei oppleving! Vi kom HEILT nær innpå pingvinane då dei var komne opp i graset overfor stranda.
2:Vinsmakingstur til 4 ulike ”vineri” i Yarra Valley. Dette hadde eg gleda meg til lenge, og det var kjempekjekt! Vi lærte oss å smake på vin og fekk også smake på månge ulike typar.
3:Køyretur langs The Great Ocean Road – ei vegstrekning som går heilt ute ved kysten langs strender og flott klippelandskap. Ein lang dag, frå kl.8-22… MEN det var verkeleg ein flott tur! Vi fauk også helikopter på ein av dei månge stoppa vi hadde på vegen. Då fekk vi sett den fantastiske kysten frå lufta. Stilig!!!
Ellers vandra vi rundt i byen, tok sightseeingbuss, og shoppa littJ m.a. på eit stort marked (Queen Victoria Market)
Fiji: Vi hadde gjort èin feil med turopplegget vårt. Det konkluderte vi med når vi oppdaga Fiji. Vi skulle nemleg berre vere ei veke her!! Fiji kan ikkje beskrivast, det må opplevast!!! Ein drøymer gjerne om å reise til eit sydhavsparadis og ser føre seg lange, krittkvite strender, krystallklårt og turkis vatn, palmar, bambushytter, hengekøye på stranda, FÅ turistar, INGEN butikkar og ingen nettdekning til mobilen!.. Eg trudde knapt at slike stadar eksisterte. Men det var før eg reiste til Fiji! Her finn du alt det! Har du sett filmen ”Den blå lagunen”?? Akkurat der var eg og Kjetil ein av dagane;) Vi landa med fly i byen Nadi, som ligg på ein av Fijis 2 store ”hovedøyer”. Men morningen etter tok vi ein stor båt ut til dei små øyene som ligg som perler på ei snor utanfor Nadi. Øygruppa vi reiste til heiter ”Yasawa Islands”. Ein kan overnatte på månge av øyene, og dei som driv overnattingsplassen henta oss med små påhengsbåtar frå den store båten. Vi tilbrakte 2 netter på Nacula Island og 3 netter på Waya Island. Her naut vi livet. Slappa av i skuggen eller sola, gjerne i ei av hengekøyene;) Bada og snorkla. Matopplevelsane var ikkje av dei store her, då det vart servert kun 3 måltid om dagen og det verken fanst ein restaurant eller eit lite supermarked rundt hjørnet. Men vi brukte jo så lite energi her at det ikkje var noko problem… Vi var med på nokre aktivitetar. M.a. mating av hai medan vi snorkla rundt dei! (ja, HAI.. men av den typen som ikkje har så god appetitt når det kjem til mennesker, så dei smakte ikkje på oss..;) Haiane var ca. 1 meter långe og dei symde rundt oss og vi fekk ta på dei! Det var kult! Vi var også og såg nokre flotte grotter der vi måtte syme under vatn for å kome inn i dei. Heile grotta var under vatn, så vi måtte syme heile tida. Og det var kolmørkt.. Heldigvis hadde guiden undervannslykt med seg.. Tøft var det! Vi saug til oss inntrykk av alle sansar så godt vi kunne. Fiji kjem vi aldri til å gløyme. Og om det er èin stad eg gjerne vil reise tilbake til, av alllle dei plassane vi har vore på desse 2 månedane, så er det Fiji!! Berre så synd at det er så himmla långt å reise….
